Pyala Zindagi Ka !... (A cup of life)

Ek barash aur beet gaya
payala jeevan ka kuchh aur reet gaya...

Badhti hui apadhapi me,
jeevan ki khidki me
takajhanki ka ab waqt kahan ...

Hai saanwli si raat, chand bhi to aspas hai
par ab us chandni ka sparsh kahan...

Hai baawli si zindagi, khud ko bhi baawla kr liya,
par ab us baawlepan me vo mithas kahan ...

Vo jo baha karte the rukhsaaro se,
ab vo ashk kahan...

Saghan hain sitare, sath saare ke saare
duayein aj bhi hain baaki
par kisi sitare ke tootne ka ab sabra kahan  ...

Ek baras aur beet gaya,
jeevan ka pyala kuch aur reet gaya

Aaj usko nahi paya, kal tumko khoya tha
gham ye aksar jeevan me sabko hota hai

Vo jo krte the yaad un tamaam yadoon ko
ab us yaad ko yaad krne ki yaad kahan...

Kya khoya tha aur kitna pana hai ab ke varas
badti rehti hai waqt dar waqt jeevan me havas...

Vo jo kehte the, duayein saari such hongi,
un duadaaron ki ab kadra kahan ...

Ek varas aur beet gaya
jeevan ka pyala kuchh aur reet gaya...

Punchhe, jo koi agar mujhse ki kya naaz hai?
kahunga, ki meri rooh bhi zinda aaj hai !!!...

Bheed me kho jaane de !

Ek raat mujhe asman ki sair ko jaane de aur taaro me kahin kho jaane de,
Fir na khud se hi milun kabhi aur na mujhe kisi se miilne ka khyal aane de ...

Ksheen kar de mera smaran aur mujhe khud ko bhul jaane de,
Bhagne de mujhe khud se aur kahin bheed me kho jaane de...




Tears or Droplets!

Aane de aandhiyan aur chiraag mera bujh jaane de,
Le ja ye saari roshni aur andhera mere hisse ka mujhe paane de...

Le ja door kahi sapne mere aur khwahishen sab kho jaane de,
Chahe Jaagu mai raat bhar par meri umeedon ko sab so jaane de...

Chalte rehne de tu mujhe aur door talak chale jaane de,
Bhagne de khud se aur kahin bheed me kho jaane de...

Na mai khushi ko dekhu aur na udaas houn,
Raat aur din ke pare muje ek muddat ke liye so jaane de


Mai zinda rahu aur mujhe jeeta jaagta but ban jaane de,
Bhaagne de khud se aur kahin bheed me kho jaane de...

Na mai ruku kahi aur na tu rukna, Ae zindagi !
Na tu peeche mudna kabhi aur na mai peeche mud kar dekhu,

Kar Shor hi shor charo taraf,
Aur tanhaiyon ko meri us shor me kho jaane de....

Bhaagne de khud se mujhe aur door kahin bheed me kho jaane de !!!


                                                                                                         - Written on a bad day of my life !

Vo Bachpan ki Baarish ...!!!

Baarish chahe Pune ki ho ya Bangalore ki ya fir Delhi ki,
Ye baarish hamesha hazaarao yaaden, anginat ummedein aur anant ichhaye sath le ke aati hai...
Abhi ek thandi hava ka jhonka aaya aur mai gote lagaane laga bachpan ki baarish me... 

Vo thandi thandi chhat pe nange paanv chalna aur Kahi thehre hue paani ko pair se maarna ka ehsaas barbas hi yaad aa gaya, 
vo tarotaja hava me adrak vali garam chay ki chuskiyan lete hue maa aur bhai behen ke sath gupshup krna, bade hi relaxed moments hua karte the vo.... 

aur agar sab pakaude talne aur fir se chay banane me busy hue,
to didi se chhupakr dheere se walkman leke nikal jata tha , 
kabhi yaadein to kabhi taal ,kya beats thi vo sab jinka ehsaas abhi bhi kaano me gunjta hai, pata nahi vo beats ab Galaxy Note me kyu nahi sunai deti ...

Kahani ki kitabein to kabhi koi magazine le ke thandi dhuli hui chhat ki zameen par baithna aur 
koi achi si khanani padhana aur der tak usko mehsus krna, 
Fr dhere dheere hote hue sunset ko dekhna aur tb tk mummy ka awaz lagana "chay aur pakaude ban gaye".
what an awesome feeling it was!

Baarish ke baad sab kitna dhula dhula naya naya sa  lagta hai,saari dhool mitti hat jaati hai, maano sristi ka navnirmaan hua ho,
Sab ped paudhe khil uthte hain, gamlo me lage naye naye chhote chhote paudhe unhe chhune par aisa lagta tha jaise ye bhi hame sparsh kr rhe ho ,
aur kuch hi dino me unme nayi nayi konpal aur kaliya aane lagti thi aur fir naye phoolon ke khilne ka intzaar...

Vo bada vala neem ka ped, Jisse anginat nibauriya girti thi, kabhi kabhi unhe ginne ki chahat hoti thi to sametkar rakh lete the sheshiyo me aur fr uska sannata(nimbauri aur paani ka kadva mishran)  banate the...

kabhi kabhi to lagta tha ki aaj to bas musladhar baarish ho aur sab jagah paani bhar jaaye taaki apni kaagaz ki naav ko jama hue paani me chhod ke usko aaage badhte hue dekhe... 

Ye baarish kabhi sheelan bhi laa deti thi, par mitti ki jo bhini khushbu laati thi uski tulna kisi deo, perfume se nahi ki ja sakti...
pata nahi vo mitti ki khushbu ab aati hi nahi ya maine shakti kho di hai use sunghne ki... 

Der tak baarish hone ke baad pata lagata tha aaj dinbhar batti gul rahegi,Batti gul hone ki thodi si khushi bhi hoti thi, Isi bahane der tak chhat pe tehelne ka maaka jo milta tha aur fir neeche aakar lantern ki roshni me padhai karna, I still like that dim yellow light !
fir apna fav. tv show dekhne ke liye light ka besabri se intzaar aur light aate hi aisi khushi ki maano 6 digit salary mil gayi ho ya shayad usse bhi jyada ...

badi chhoti chhoti si khushiyan thi un baarish ke dino me jo aj ki badi badi khushiyo se kahi jyada khush kar deti thi ...
pata nahi kab kaha kaise un khushiyo ko khokar aage badh gaye ,aaj jab peeche mudkar dekhat hu to lagta hai vo ek khilkhilata neem ka ped tha aur ab reh gaya hai ek thooth (ped ko kaatne ke baad bacha hua tana) ...

anyway...
Aise hi tamam yaadein hai,Jo laut ke kabhi nahi aani , par dil chhota karne se kya fayda !
aao ek baar fir se koshish to kar sakte hain nayi yaadein banane ki aur punah zindagi ko sajaane ki ... 

                                                                                                           From my Diary,

                                                                                                           on a rainy day of march2013

Badalta Mausam ... sardi se garmi ki ore

Badla hai mausam hawaon ke sath
sheetalta pawan ki , aaj kuch to hai khas,

Nahi nikalta kanth se dhunaa,
shayad samapt ho gayin lakdiyan jinme thi aag,

Kapde bhi ho gaye chhote
aur ab log der tak nahi sote,

Chay coffee ki jagah bhaane laga sharbat barf ke sath,
chhote chhote din ho gaye bade tanhaiyon ke sath

Lagne laga thanda paani amrit ke samaaan
rajai ki jagah raate me chaand ki sheetalta sehlaane lagi

Heater ki jagah cooler ne le li
aur barfili hawao ki jagah loo ne le li

Prithvi ne kiya bhraman is chhor se us chhor
aur badh chale hai hum sab ek naye mausam ki ore....

                       
                                                                                                      -  March end 2007 (from archive) 

Ek prayas ... Zindagi ko samajhne ka !!!( just a thought)

Sunday,31st March ,03:27 A.M.

Na jaane kyu aaj neend aankho se koson door hai , kuchh likhne ko dil kar raha hai   

kya likhun aaj , apni tanhai ke baare me likhu ya apne sapno ke baare me... 
khair chhodo ye sab nahi likhta aaj, Life ke baare me likhta hu kuch...

What is Life
"life is an Integration of time or time is a differentiation of Life"

Kehte hain life lambi nahi badi honi chahiye,
Jis tarah paani ki ek ek boond se samudra bana hota hai, 
vaise hi waqt ka ek ek katra jod kar zindagi banti hai aur jaise jaise waqt beet ta jata hai zindagi chhoti hoti jaati hai,
Hame kya chahiye aur kya nahi ,Kya karna hai aur kya nahi,ye humse behtar koi nahi jaan sakta aur ek hi zindagi hai ye sab samjhne ke liye .....

Kuch bhi ho jaaye zindagi se haar nahi maan ni hai, bachpan se lekar bade tak , kisse kahaniyon kitabon har jagah ye baat hame ghont ghont kar pilayi hui hoti hai.
Par insaan koi robot to nahi ki usme hamne jo bhi programming kar di vo vaise hi chalega....

Insaan jab hahakar vali bhag daud ko pare rakhkar sochne baithta hai to khone paane ka hisaab laga baithta hai aur tab ehsaas hota hai ki khoya jyada aur paya kam  aur  jo khoya hai vo mahatvapuna tha aur jo paya hai vo shayad arthaheen ya jiske maayne hamaare liye bahut kam hain..
Tab hammare dil pe bojh padne lagta hai aur hum vapas us arthapurn zindagi ki ore agrasar hone ki sochte hai

Par agle din fir subah hoti hai ...
aur ye raat ke sapne ki taarah visar jata hai aur fir vahi anayas bhag daud,office me time se pahuchna,manager ka darr,project ka launch,share me utar chadhav,appraisal,hike,fashion,hype,tv,laptop, mobile facebook,whatsapp  etc... 
in sab ke beech peace kaha aur kab kho jaati hai pata hi nahi chalta aur insaan us kaali andheri surang me chalta chala jata hai jiska koi ant nahi hota ....

Zindagi badhavash si ho jaati hai, hum subconsiously jeene lagte hain...

Inhi sab zaddozahad ke baad insaan pyar ki bhuk me yaha vaha hath pair maarta hai aur kisi ko dhoka to kisi ko pyar mil to jata hai par shanti, peace of mind nahi milti...
Vo tadpata rehta hai aur samaj nahi ata ki kis cheez ki bhuk lagi hai use,
kabhi jyada paisa kamakar ye bhuk shant krne ki kosish krta  hai to kabhi bade ohda paane ki lalak me kitaabe chaatkar ...
aur fir kuch paa lete hai, kuch bhool jata hai par in sabke baad bhi vo tadap khatam nahi hoti,tab shayad use ehsaas ho ki ye tadap kisi aur bhuk ki vajah se nahi , balki shanti ki bhuk hai jo har insaan ka antim maksad hai...  

yehi smajne me insaan puri life ganva deta hai ,
aur ant me reh jaati hain kuchh jhhurriyan aur maut ka intzaar...!


Meri diary se ,

Vivek Kr. Gupta