Sunday,31st March ,03:27 A.M.
Na jaane kyu aaj neend aankho se koson door hai , kuchh likhne ko dil kar raha hai
khair chhodo ye sab nahi likhta aaj, Life ke baare me likhta hu kuch...
What is Life
"life is an Integration of time or time is a differentiation of Life"
Kehte hain life lambi nahi badi honi chahiye,
Jis tarah paani ki ek ek boond se samudra bana hota hai,
vaise hi waqt ka ek ek katra jod kar zindagi banti hai aur jaise jaise waqt beet ta jata hai zindagi chhoti hoti jaati hai,
Hame kya chahiye aur kya nahi ,Kya karna hai aur kya nahi,ye humse behtar koi nahi jaan sakta aur ek hi zindagi hai ye sab samjhne ke liye .....
Kuch bhi ho jaaye zindagi se haar nahi maan ni hai, bachpan se lekar bade tak , kisse kahaniyon kitabon har jagah ye baat hame ghont ghont kar pilayi hui hoti hai.
Par insaan koi robot to nahi ki usme hamne jo bhi programming kar di vo vaise hi chalega....
Insaan jab hahakar vali bhag daud ko pare rakhkar sochne baithta hai to khone paane ka hisaab laga baithta hai aur tab ehsaas hota hai ki khoya jyada aur paya kam aur jo khoya hai vo mahatvapuna tha aur jo paya hai vo shayad arthaheen ya jiske maayne hamaare liye bahut kam hain..
Tab hammare dil pe bojh padne lagta hai aur hum vapas us arthapurn zindagi ki ore agrasar hone ki sochte hai
Par agle din fir subah hoti hai ...
aur ye raat ke sapne ki taarah visar jata hai aur fir vahi anayas bhag daud,office me time se pahuchna,manager ka darr,project ka launch,share me utar chadhav,appraisal,hike,fashion,hype,tv,laptop, mobile facebook,whatsapp etc...
in sab ke beech peace kaha aur kab kho jaati hai pata hi nahi chalta aur insaan us kaali andheri surang me chalta chala jata hai jiska koi ant nahi hota ....
Zindagi badhavash si ho jaati hai, hum subconsiously jeene lagte hain...
Inhi sab zaddozahad ke baad insaan pyar ki bhuk me yaha vaha hath pair maarta hai aur kisi ko dhoka to kisi ko pyar mil to jata hai par shanti, peace of mind nahi milti...
Vo tadpata rehta hai aur samaj nahi ata ki kis cheez ki bhuk lagi hai use,
kabhi jyada paisa kamakar ye bhuk shant krne ki kosish krta hai to kabhi bade ohda paane ki lalak me kitaabe chaatkar ...
aur fir kuch paa lete hai, kuch bhool jata hai par in sabke baad bhi vo tadap khatam nahi hoti,tab shayad use ehsaas ho ki ye tadap kisi aur bhuk ki vajah se nahi , balki shanti ki bhuk hai jo har insaan ka antim maksad hai...
yehi smajne me insaan puri life ganva deta hai ,
aur ant me reh jaati hain kuchh jhhurriyan aur maut ka intzaar...!
Meri diary se ,
Vivek Kr. Gupta
Nice Research on Life..gr8 lines...but need to correct some mistakes there..:)
ReplyDeletethanks bhai, aapka review sar aankho par ...
ReplyDeletenice work.
ReplyDeletethanks Grishma
ReplyDeletei think ultimately, everyone finds their own way of finding peace. the path is especially tough early in life but gradually one starts building ideas of what would work, who would work for him/her. and even then, there are a few aspirations that are still left which seem like the last thing s/he thinks that will ever be needeed to make him/her happy. i don't see that a bad thing - the strife for satisfaction/peace/happiness/whatever you call it is what makes us humans so special and different from animals.
ReplyDeleteinteresting take - sounds like you've observe others a lot.
put a space after a comma, its considered aesthetic and part of basic writing etiquette.
thanks for ur beautiful feedback Vijay, it will definitely help me to improve my skills ... keep reading my blogs :)
ReplyDeleteWe have one life and that is beautiful...sometimes we need money,person or time to solve the problem. No problem exist beyond these things....Its true ultimately we need happiness...
ReplyDeleteys exactly m thanks for reading my blog ...
ReplyDelete