Vo Bachpan ki Baarish ...!!!

Baarish chahe Pune ki ho ya Bangalore ki ya fir Delhi ki,
Ye baarish hamesha hazaarao yaaden, anginat ummedein aur anant ichhaye sath le ke aati hai...
Abhi ek thandi hava ka jhonka aaya aur mai gote lagaane laga bachpan ki baarish me... 

Vo thandi thandi chhat pe nange paanv chalna aur Kahi thehre hue paani ko pair se maarna ka ehsaas barbas hi yaad aa gaya, 
vo tarotaja hava me adrak vali garam chay ki chuskiyan lete hue maa aur bhai behen ke sath gupshup krna, bade hi relaxed moments hua karte the vo.... 

aur agar sab pakaude talne aur fir se chay banane me busy hue,
to didi se chhupakr dheere se walkman leke nikal jata tha , 
kabhi yaadein to kabhi taal ,kya beats thi vo sab jinka ehsaas abhi bhi kaano me gunjta hai, pata nahi vo beats ab Galaxy Note me kyu nahi sunai deti ...

Kahani ki kitabein to kabhi koi magazine le ke thandi dhuli hui chhat ki zameen par baithna aur 
koi achi si khanani padhana aur der tak usko mehsus krna, 
Fr dhere dheere hote hue sunset ko dekhna aur tb tk mummy ka awaz lagana "chay aur pakaude ban gaye".
what an awesome feeling it was!

Baarish ke baad sab kitna dhula dhula naya naya sa  lagta hai,saari dhool mitti hat jaati hai, maano sristi ka navnirmaan hua ho,
Sab ped paudhe khil uthte hain, gamlo me lage naye naye chhote chhote paudhe unhe chhune par aisa lagta tha jaise ye bhi hame sparsh kr rhe ho ,
aur kuch hi dino me unme nayi nayi konpal aur kaliya aane lagti thi aur fir naye phoolon ke khilne ka intzaar...

Vo bada vala neem ka ped, Jisse anginat nibauriya girti thi, kabhi kabhi unhe ginne ki chahat hoti thi to sametkar rakh lete the sheshiyo me aur fr uska sannata(nimbauri aur paani ka kadva mishran)  banate the...

kabhi kabhi to lagta tha ki aaj to bas musladhar baarish ho aur sab jagah paani bhar jaaye taaki apni kaagaz ki naav ko jama hue paani me chhod ke usko aaage badhte hue dekhe... 

Ye baarish kabhi sheelan bhi laa deti thi, par mitti ki jo bhini khushbu laati thi uski tulna kisi deo, perfume se nahi ki ja sakti...
pata nahi vo mitti ki khushbu ab aati hi nahi ya maine shakti kho di hai use sunghne ki... 

Der tak baarish hone ke baad pata lagata tha aaj dinbhar batti gul rahegi,Batti gul hone ki thodi si khushi bhi hoti thi, Isi bahane der tak chhat pe tehelne ka maaka jo milta tha aur fir neeche aakar lantern ki roshni me padhai karna, I still like that dim yellow light !
fir apna fav. tv show dekhne ke liye light ka besabri se intzaar aur light aate hi aisi khushi ki maano 6 digit salary mil gayi ho ya shayad usse bhi jyada ...

badi chhoti chhoti si khushiyan thi un baarish ke dino me jo aj ki badi badi khushiyo se kahi jyada khush kar deti thi ...
pata nahi kab kaha kaise un khushiyo ko khokar aage badh gaye ,aaj jab peeche mudkar dekhat hu to lagta hai vo ek khilkhilata neem ka ped tha aur ab reh gaya hai ek thooth (ped ko kaatne ke baad bacha hua tana) ...

anyway...
Aise hi tamam yaadein hai,Jo laut ke kabhi nahi aani , par dil chhota karne se kya fayda !
aao ek baar fir se koshish to kar sakte hain nayi yaadein banane ki aur punah zindagi ko sajaane ki ... 

                                                                                                           From my Diary,

                                                                                                           on a rainy day of march2013

Badalta Mausam ... sardi se garmi ki ore

Badla hai mausam hawaon ke sath
sheetalta pawan ki , aaj kuch to hai khas,

Nahi nikalta kanth se dhunaa,
shayad samapt ho gayin lakdiyan jinme thi aag,

Kapde bhi ho gaye chhote
aur ab log der tak nahi sote,

Chay coffee ki jagah bhaane laga sharbat barf ke sath,
chhote chhote din ho gaye bade tanhaiyon ke sath

Lagne laga thanda paani amrit ke samaaan
rajai ki jagah raate me chaand ki sheetalta sehlaane lagi

Heater ki jagah cooler ne le li
aur barfili hawao ki jagah loo ne le li

Prithvi ne kiya bhraman is chhor se us chhor
aur badh chale hai hum sab ek naye mausam ki ore....

                       
                                                                                                      -  March end 2007 (from archive) 

Ek prayas ... Zindagi ko samajhne ka !!!( just a thought)

Sunday,31st March ,03:27 A.M.

Na jaane kyu aaj neend aankho se koson door hai , kuchh likhne ko dil kar raha hai   

kya likhun aaj , apni tanhai ke baare me likhu ya apne sapno ke baare me... 
khair chhodo ye sab nahi likhta aaj, Life ke baare me likhta hu kuch...

What is Life
"life is an Integration of time or time is a differentiation of Life"

Kehte hain life lambi nahi badi honi chahiye,
Jis tarah paani ki ek ek boond se samudra bana hota hai, 
vaise hi waqt ka ek ek katra jod kar zindagi banti hai aur jaise jaise waqt beet ta jata hai zindagi chhoti hoti jaati hai,
Hame kya chahiye aur kya nahi ,Kya karna hai aur kya nahi,ye humse behtar koi nahi jaan sakta aur ek hi zindagi hai ye sab samjhne ke liye .....

Kuch bhi ho jaaye zindagi se haar nahi maan ni hai, bachpan se lekar bade tak , kisse kahaniyon kitabon har jagah ye baat hame ghont ghont kar pilayi hui hoti hai.
Par insaan koi robot to nahi ki usme hamne jo bhi programming kar di vo vaise hi chalega....

Insaan jab hahakar vali bhag daud ko pare rakhkar sochne baithta hai to khone paane ka hisaab laga baithta hai aur tab ehsaas hota hai ki khoya jyada aur paya kam  aur  jo khoya hai vo mahatvapuna tha aur jo paya hai vo shayad arthaheen ya jiske maayne hamaare liye bahut kam hain..
Tab hammare dil pe bojh padne lagta hai aur hum vapas us arthapurn zindagi ki ore agrasar hone ki sochte hai

Par agle din fir subah hoti hai ...
aur ye raat ke sapne ki taarah visar jata hai aur fir vahi anayas bhag daud,office me time se pahuchna,manager ka darr,project ka launch,share me utar chadhav,appraisal,hike,fashion,hype,tv,laptop, mobile facebook,whatsapp  etc... 
in sab ke beech peace kaha aur kab kho jaati hai pata hi nahi chalta aur insaan us kaali andheri surang me chalta chala jata hai jiska koi ant nahi hota ....

Zindagi badhavash si ho jaati hai, hum subconsiously jeene lagte hain...

Inhi sab zaddozahad ke baad insaan pyar ki bhuk me yaha vaha hath pair maarta hai aur kisi ko dhoka to kisi ko pyar mil to jata hai par shanti, peace of mind nahi milti...
Vo tadpata rehta hai aur samaj nahi ata ki kis cheez ki bhuk lagi hai use,
kabhi jyada paisa kamakar ye bhuk shant krne ki kosish krta  hai to kabhi bade ohda paane ki lalak me kitaabe chaatkar ...
aur fir kuch paa lete hai, kuch bhool jata hai par in sabke baad bhi vo tadap khatam nahi hoti,tab shayad use ehsaas ho ki ye tadap kisi aur bhuk ki vajah se nahi , balki shanti ki bhuk hai jo har insaan ka antim maksad hai...  

yehi smajne me insaan puri life ganva deta hai ,
aur ant me reh jaati hain kuchh jhhurriyan aur maut ka intzaar...!


Meri diary se ,

Vivek Kr. Gupta

Chaand Zameen Par ... (My Old Poetry)

Life Still Goes On ...(Life Goes On - Part II)...!!!

After a long span of time,
Finally, u moved on completely ...

They says time is the greatest heal ,
your innocent heart, so much agree...

U have life n zeal
again u feel , all is well

Whatever happened ,
was happened for the good, better n best,
                                      forget all d rest
no regret , not sad n disagree
your heart is finally happy n agree...



U feel , Destiny is nice


But

---------------------------------------------xxxxx-----------------------------


U have not paid the full price ...

The desnity is a Chameleon

at the moment when u r happy with ur destiny
it decide to show u the true color
the color f shadow , the color f night
the color f dark , the color f fright ...

Suddenly
the color changes to grey,
a moment ago which was red

n again

u betrayed, u hated
u fade, u sad

u feel bad , u yell
u lost all the zeal 

u pale , u dull
u small , u null

Again the wheel of time rolls
again u got so many persons
this time u don't believe in destiny
u don't dare to share,
u don't care to be fair...

U feel alone like hell,
like for no reason u r in jail

life teases u again with its thousand ways  ...

Now u couldn't move on
but Life goes on,

Life Still Goes On ...Goes On!!!

Vivek Kr Gupta likes

Vivek's Photography

Create your Like Badge

Raftaar ... the speed of life!

Suraj ki us madhim si sunahli  kiran ne
jab maathe ko sehla ke jagaya,
to us daraavne khwaab ki sab silvaten
hatne lagi aur laga jaise...

Zindagi aaj khud aayi ho,
dekha jhank ke darwaze ki daraacho se,
koi na tha vaha, sannate kaundh rahe the,
roshandaan bhi aajkal kuchh batata nahi,

fir khola darvaja to kai jazbaat tehelne lage
rakha dehleej pe kadam
to hava kaan me kuchh kehne lagi,

jane kaha tha dhyan mera, sun pata ,
isse pehle hi vo awaz kahi maun me kho gayi...

kab se bhatak raha hu uski talaash me,
par vo kuchh ab kehti nahi,
aur samay ka pahiya kabhi rukta nahi....

.... .... .... .... .... .................XXXXXXX.................... .... .... .... ...

Aaj fir se thoda waqt mila,
tatola purani attari ko..
to yaadon ka ek maila sa thaila mila,
jaale hataye,gard hatai
to dekha sab vaisa ka vaisa hai,
aur zindagi aaj bhi pyar ki mohtaj hai...


Zindagi chalti hai badi tej raftaar se,
par raftaar kabhi ni vilupt hone deti
un behisaab,beshumaar jazbaaton ko,
un kachhe pakke lamho ki tasveeron ki,
un dhool bhari galiyo ki yaadon ko,
jinpe sondhi mitti ki khushbu aaya karti thi....


Prayah vo ped aur imartein hoti hain
jo vilupt ho jaya karti hain Raftaar me 
aur shunya me kahin vileen ho jaya karti hain...

Aaj jane ki zid na karo...just for fun :P

Aaj jane ki zidd na karo

Yunhi office me baithe raho…

Tum hi socho jara kyu na roke tmhe

Loss hota hai jab uth ke jate ho tum

Tumko salary ki kasam employeeee
Aaj jane ki zid na karo

Thoda coffee piyo,

Thoda news bhi padh lo

Game bi chaho to
thoda khel lo...tum

But aaj jane ki zid na karo..

Itna mayush na ho,itna hairam na ho

Dunga tmhe acha appraisal bhi mai…

But Aaj jane ki zid na karo…  
Plz,yunhi office me baithe raho :P:P
                                   
                                     By a project manager to his/her employee after 6 pm (in my words ,just for fun)
                                      inspired by : aaj jane ki zidd na karo (farida khanum)

Dooriyan.... (the geographical distances)

Aaj mai meelon door hun tmse,
par vahi akash jisne tmhe dhaka hua hai
usi ne mje bi apne aagosh me liya hua hai...

dhoop, jisne tumhe jeevan diya hua hai
usi ne mje bi zinda rakha hua hai...

hava,jise tumne apni saanso me bhara hua hai,
vo kuchh aur nahi ,aanhem hain meri...

Aaj mai meelon door hu tmse,
par utna hi mehsus karta hu tmhe
jab tinke ki bi duri hamare beech na thi....

Aaj mai meelon door hu tmse
bahut afsos nahi is baat ka,
bas ehsaas jisne hum dono ko joda hua hai
vo kabi khatam na ho,kabhi ant na ho...

kehte hai har bade dukh ke baad, ek pal sukh ka aata hai
hazaar mauton ke baad ek pal zindagi ka aata hai..

Umeed ,yehi umeed jise kayam rakha hua hai
Yakeen hai muje, in sadiyon ki doori ke baad
ek pal aisa bi aayega jab hum sath honge...

is asman me chal rahe chand ke sath chalege
in barish ki bundo ka sparsh ek sath lenge...

tang aa gaya hu ye aaina dek ke
tab khuko tmhri anko me dekhunga...

ksheen ho gaya hai rang mere jeevan ka,
murjha gaya hai ,fool meri bageeche ka
tmko dekhu to dil khil uthe,
murjhaya fool fr se mehek uthe
bs tmko aur sirf tumko...

Ehsaas tmhre hone ka kam ni hota
Aas tmse milne ki har baar,
har baar tut ti hai, par gum nai hota...

Har baar palatata rehta hu is aas me,
kash mai paltu aur tu dikh jaye...
haar baar simatata rehta hu
kash mai simtu aur tu mujme sama jaye,
par sapna ye mera kabhi such nahi hota
aur kitna bhi rolun tu  mje hasil ni hota...

ashk bi ab to sukh chale hain
kitni baar mai yu rota hu ki
ankho me zara bi pani ni hota...

milta hu is aas me sbse,
ki milne se kuchh to halka hoga mann
par kasam khuda ki
chahkar bi mai kisi ke pass nahi hota....

Aaj mai meelo door hun tmse
har pal, har dum ye mann tadap lagaye rehta hai
tum aaoge,tum aaoge khud ko samjhaye rekhta hai...

kabhi khud me khoya rehta hai,
kabhi palak band kar leta hai
aur jannat me le jata hai
sapne bunta rehta hai aur pankh lagaye rakhta hai

aksar khali waqt me jab
waqt ke panne palataya karta hai,.
hazaar maut ye marta hai...
            aur
mai zinda hu ab bhi
mai zinda hu ab bhi
ye ratan lagaaye rehta hai...!

                                                       "My friend's feelings for his love in my words"
                                         

Andhera Ghanera...The Death of Wisdom!

Hai charon taraf andhera,
nahi door talak hai savera


kaun hai apna kaun paraya,
koi kuchh bi samaj na paya
dekhen kiska chehra

kiske sar pe kafan bandha hai
aur kiske sar pe sehra...


suraj bhi kahin door chhupa hai
chaand bhi hai sharmaya,
taaron ne bhi zid pakadi hai
baadal hua ghanera...


kaun kise ab apna keh de
sab kahen mera mera,
haye !  kiski nazar lagi hai
kyu aisa hua andhera ...!